पुजारीले नै भत्काए छाउगोठ
सहयात्रा टिभी
बाजुरा । बैशाख–१६, बाजुरामा दह घटाल देवताका पुजारी रामबहादुर खड्काले छाउगोठ भत्काएका छन् ।
बाजुराको बडिमालिका नगरपालिका–३ पीपल गाउँमा वडा कार्यालय र संघसंस्थाले दबाब दिएकाले छाउ कुप्रथाविरुद्धको अभियानमा साथ दिन पुजारी खड्काले छाउगोठ भत्काएका हुन् ।
छाउगोठ भत्काएपछि छोरी, बुहारी र श्रीमती छाउ भएको बेला घरमा नै बस्न थालेको पुजारी खड्काले बताए । पुजारी स्वयंले गोठ भत्काएर घरमा बसाउन तयार भएपछि स्थानीयवासी पनि त्यसै गर्न मञ्जुर भएका छन् ।
सफा सुग्धर भएमा केही हुँदैन भन्ने थाहा पाएपछि वडा कार्यालय, निगरानी समूह, महिला समूहसहित सबैले गोठ भत्काउन संयुक्त आन्दोलन गर्ने बताएपछि वडाका सबै छाउगोठ भत्काइएको वडा सदस्य विमला खड्काको भनाइ छ ।