चित्तल काट्ने ६ जना रङ्गेहात पक्राउ
सहयात्रा टिभी
कैलाली । बैशाख–१८, कैलाली टिकापुरमा सोमबार चित्तल काटिरहेको अवस्थामा प्रहरीले ६ जनालाई पक्राउ गरेको छ ।
टीकापुर नगरपालिका–२ सीतापुरमा गोरख सिंहको कुखुरा फारमभित्र चित्तल काटिरहेको अवस्थामा इलाका प्रहरी कार्यालय टीकापुरको टोलीले छ जनालाई पक्राउ गरेको हो ।
पक्राउ पर्नेमा सीतापुरका गोरखबहादुर सिंह, भक्तबहादुर थापा , रनबहादुर थापा सीतापुरकै पदम विक, छत्रबहादुर शाही र बाँजु चौधरी रहेका छन् ।
प्रहरीले उनीहरुबाट ३४ किलो ३ सय २० ग्राम चित्तलको मासु र चित्तल काट्न प्रयोग गरिएको हतियार बरामद गरेको छ । पक्राउ गरिएका सबैलाई सेक्टर वन कार्यालय बल्चौर लम्कीमा पठाइएको प्रहरीले जनाएको छ ।