कोरिया पठाउने नाममा गठी गर्ने दुई अभियुक्त पक्राउ
सहयात्रा टिभी
काठमाण्डौं । जेठ–४, कोरिया पठाउने सपना देखाएर रकम लिइ फरार भएका दुई अभियुक्तलाई प्रहरीले पक्राउ गरेको छ । कृषि भिसामा कोरिया पठाइदिने भनि ठगी गरेको आरोपमा झापाका डम्बर बस्नेत र ललितपुरकी रिता गुरुङ डाँगीलाई महानगरीय अपराध महाशाखाले बिहिबार पक्राउ गरेको हो ।
उनीहरुले विराटनगरकी लक्ष्मी राई र स्याङ्जाकी राधा न्यौपानेलाई कोरिया पठाइदिने भनि ठगी गरेका हुन् । लक्ष्मी राई र राधा न्यौपानेबाट उनीहरुले ३४ लाख ५ हजार रुपैँया ठगी गरेको प्रहरीले जनाएको छ । उनीहरुमाथि आवश्यक कारबाही अघि बढाएको प्रहरीले जनाएको छ