पोखरीमा डुबेर चार जना बालिकाहरुको मृत्यु
सहयात्रा टिभी
भैरहवा । जेठ–७, सोमबार रुपन्देही लुम्बिनीको नौखनिया पोखरीमा नुहाउने क्रममा डुबेर चार जना बालिकाहरुको डुबेर मृत्यु भएको छ ।
बिहान ११ बजेतिर पोखरीमा नुहाउन पुगेका बालिकाहरु पौडिन नसकेपछि मृत्यु भएको हो ।
पोखरीमा बालिकाहरु डुबेको देखेपछि वडा नम्बर–११ का अध्यक्ष अकरामद्धिन खाँनले प्रहरीलाई जानकारी गराएका थिए ।
उनीहरु नुहाउदा पोखरीमा पौडिन नसकेपछि डुबेर मृत्यु भएको इलाका प्रहरी कार्यालय लुम्बिनीले जनाएको छ ।
उक्त पोखरीमा अरु बेला पनि धेरै बालबालीहरु नुहाउन जाने गरेको त्यहाको स्थानिय बासीले बताएको छ । मृतक बालीकाहरु एउटै दाजुभाइको छोरी रहेको बताइएको छ । शवलाई पोस्टमार्टमका लागि भैरहवा ल्याउने तयारी भइरहेको प्रहरीले जानकारी दिएको छ ।