कैलालीमा लागू औषध चरेससहित दुई जना पक्राउ
सहयात्रा टिभी
कैलाली । जेठ–९, कैलालीमा लागू औषध चरेससहित एउटै घरको बावुछोरा पक्राउ परेका छन । उनीहरुलाई लागू औषध चरेस आलुको बोहरा भित्र लुकाएर राखेको अवस्थामा फेला पारेर पक्राउ गरेको हो ।
क्षेत्रीय अनुसन्धान समूह ७ नम्बर प्रदेश आरआईटी को टोलीले बुधबार विहान लागू औषध चरेससहित बावुछोरालाई पक्राउ गरेको बताइएको छ । कैलालीको गोदावरी नगरपालिका–१ बाट बाजुरा छेडेदह गाउपालिका–३ घर भएका ५० वर्षीय नौले बुढा र उनका छोरा २९ वर्षीय छोरा छत्र बुढालाई प्रहरीले पक्राउ गरेको हो ।
नायब महानिरीक्षक शरद चन्दले पक्राउ परेका उनीहरुलाई कारर्वाहीको लागि प्रहरी कार्यालय कैलालीमा बुझाइएको बताएका छन । उनीहरुको साथमा ६ के जी लागू चरेस भेटिएको थियो ।