सनाखत हुन नसक्दा मृत बालिकाको प्रहरीद्धारा दाहसंस्कार
सहयात्रा टिभी
गुल्मीको धुर्कोट गाउँपालिका ७ वाग्लामको ढोड पहिरोमा मृत अवस्थामा फेला परेकी बालिकाको चार दिन सम्म पनि पहिचान हुन नसकेपछि प्रहरीले नै दाहसंस्कार गरेको हो ।
लगभग ११/१२ वर्षकी बालिकाको सव सडेको अवस्थामा गुल्मीको धुर्कोट गाउँपालिका ७ वाग्लामको ढोड पहिरोमा स्थानीयले फेला पारेका थिए । उनको पहिचानको निम्ति जिल्लाभरि खबर पु¥याइए पनि कतैबाट कुनै जानकारी नआएको जिल्ला प्रहरी कार्यालय गुल्मीका प्रहरी प्रमुख प्रहरी उपरीक्षक अनुरागकुमार द्विवेदीले बताए ।
चारदिनसम्म जिल्ला अस्पतालमा राखिएको बालिकाको सवको पहिचान हुने कुनै सम्भावना नदेखेपछि पोष्टमार्टम गरेर दाहसंस्कार गरिएको प्रहरी उपरीक्षक द्विवेदेले जनाए ।