काठमाण्डौं । असार–१३, बिहिबार बालाजु क्षेत्रमा केहि समयको लागी विद्युत आपूर्ती बन्द हुने भएको छ । सडक विस्तारको लागी बालाजु क्षेत्रमा विहिबार विहान ८ बजेबाट बेलुका ४ बजेसम्म विद्युत आपूर्ती बन्द गरिने भएको हो ।

बनस्थली चोकदेखि बालाजु प्रहरी चौकीसम्म सडक विस्तारका लागि बालाजु–धर्मस्थली फिडरबाट आपूर्ति भइरहेका क्षेत्रमा विद्युत बन्द हुने नेपाल विद्युत प्राधिकरण बालाजु वितरण केन्द्रका प्रमुख सुरज रेग्मीले जानकारी दिएका छन् ।

उक्त बालाजु– धर्मस्थली फिडर अन्तर्गतका पुरानो गुहेश्वरी, फुलबारी गेट, मुड्खु, बतासे डाँडा, धितालथोक, तिनपिप्ले, जरंखु, नेपालटार, मनमैजु, फुटुङ, जितपुर हुँदै छत्रे देउराली क्षेत्रमा विद्युत आपूर्ति बन्द हुने रेग्मीले जानकारी दिए ।