तेश्रो सिनेमा सर्कल अवार्ड वितरण सम्पन्न नाजिर र नीता बने उत्कृष्ट नायक-नायिका
सहयात्रा टिभी
काठमाण्डौं । असोज–१, ‘तेश्रो सिनेमा सर्कल अवार्ड’मा नायक नाजिर हुसेन र नायिका नीता ढुंगाना उत्कृष्ट हुन सफल भएका छन् । काठमाण्डौको राष्ट्रिय सभा गृहमा आयोजना भएको ‘तेश्रो सिनेमा सर्कल अवार्ड’मा नीताले चलचित्र ‘पञ्चायत’बाट अवार्ड जित्दा नाजिरले चलचित्र ‘तिमी सँग’बाट अवार्ड जितेका हुन् ।
उप-राष्ट्रपति नन्दबहादुर पुनको प्रमुख आतिथ्यतामा सम्पन्न अवार्ड समारोहमा बलिउडका चर्चित नायक गोविन्दा विशेष अतिथीको रुपमा उपस्थित थिए ।
प्रदिप खड्काले चलचित्र ‘लिलिबिली’बाट ‘पपुलर नायक’को अवार्ड जिते भने प्रियंका कार्कीले चलचित्र ‘छक्का पन्जा २’मा ‘पपुलर नायिका’को अवार्ड प्राप्त गरिन् ।उत्कृष्ट कोरियोग्राफरको अवार्ड कविराज गहतराजले चलचित्र ‘२ रुपैयाँ’बाट जित्दा उत्कृष्ट पर्दाको जोडीको अवार्ड ‘ऐश्वर्य’बाट नायक रमेश उप्रेती र नायिका दीपिका प्रसाइले जितेका छन् ।
यस्तै, उत्कृष्ट द्धन्द्ध निर्देशकमा ‘कृ’बाट चन्द्र पन्त, उत्कष्ट पाश्र्व गायिकामा ‘२ रुपैयाँ’बाट मेलिना राई, उत्कृष्ट पाश्र्व गायकमा ‘म यस्तो गीत गाउँछु’बाट सुगम पोखरेल, उत्कृष्ट पटकथामा ‘तिमीसँग’बाट शिशिर राणा, सुशिल क्षेत्री, सुमन उप्रेती र सागर ओझा, उत्कृष्ट पाश्र्व संगीतमा ‘लिलिबिली’बाट एलिस कार्की, उत्कृष्ट सम्पादनमा ‘शत्रु गते’बाट मित्र डी गुरुङले अवार्ड प्राप्त गरे ।
चलचित्र ‘पञ्चायत’ले कमेन्डेबल मुभीको अवार्ड प्राप्त गर्दा बर्षकै पपुलर गीतको अवार्ड ‘२ रुपैयाँ’बाट ‘कुटुमा कुटु’ले जित्यो । उत्कृष्ट स्टन्ट अफ द इयरको अवार्ड ‘पीजडा ब्याक अगेन’बाट सिम्पसन तामाङ, उत्कृष्ट ट्रेलर ‘कृ’बाट सुरेन्द्र पौडेल र उत्कृष्ट पोष्टरको अवार्ड ‘शत्रु गते’बाट शान थापा र बिजय बस्यालले प्राप्त गरे ।