नेपालमा कोरोना : पछिल्लो २४ घण्टामा थप ३ हजार ९३ जनामा कोरोना पुष्टि,कुल संक्रमित संख्या १ लाख ३९ हजार १ सय २९ पुग्यो

सहयात्रा टिभी

काठमाडौं । कार्तिक–०४, स्वास्थ्य तथा जनसंख्या मन्त्रालयले पछिल्लो २४ घण्टामा मंगलबार थप ३ हजार ९३ जनामा कोरोना संक्रमण पुष्टि भएको जनाएको छ ।यो संगै हालसम्म कुल संक्रमित संख्या १ लाख ३९ हजार १२९ जना पुगेको छ ।

यो सँगै देशभरी सक्रिय संक्रमितको संख्या हालसम्म ४१ हजार ७५५ पुगेको मन्त्रालयले जनाएको छ ।त्यसैगरी २४ घण्टामा २ हजार १०८ जना कोरोना संक्रमणबाट निको भएर घर फर्किएका छन् । यो सँगै निको हुनेको संख्या ९६ हजार ६०९ रहेको छ ।मन्त्रालयका अनुसार हालसम्म पीसीआर विधिबाट १३ लाख १४ हजार ७७९ परीक्षणहरु गरिएका छन् । २४ घण्टामा जम्मा १३ हजार ८६१ पीसीआर परीक्षण भएका छन् ।आइसीयूमा २७३ र भेन्टिलेटरमा ६३ जनाको उपचार भइरहेको छ। नेपालमा कोरोनाबाट ७६५ जनाको मृत्यु भएको छ। मंगलबार मात्रै ८ जनाको मृत्यु भएको मन्त्रालयले पुष्टि गरेको छ।