बाँकेमा पेस्तोलसहित एकजना पक्राउ
सहयात्रा टिभी
नेपालगन्ज । पुस २२, जिल्ला प्रहरी कार्यालय बाँकेले कटुवा पेस्तोलसहित एक जनालाई पक्राउ गरेको छ ।
बाँकेको डुडुवा गाउँपालिका–१ स्थित दीपककुमार चौधरी (बर्मा) लाई उनको पसलबाट कटुवा पेस्तोलसहित पक्राउ गरेको हो । चौधरीले सञ्चालन गरेको पसलमा अवैध हातहतियारको कारोबार भइरहेको भन्ने सूचनाको आधारमा आइतबार बेलुकी १ः३० बजे विशेष प्रहरी टोली परिचालन गरी उनलाई पक्राउ गरेको जिल्ला प्रहरी कार्यालय बाँकेले जनाएको छ ।
पक्राउ परेका चौधरीको अभियोग प्रमाणित भए मुलुकी फौजदारी कार्यविधि २०७४ को दफा १३० को उपदफा २ बमोजिम ७ वर्षसम्म कैद र ७० हजार रुपैयाँसम्म जरिवाना हुने सक्ने प्रहरीले जनाएको छ ।