लुटपाटमा संलग्न तीन महिलासहित चार जना पक्राउ
सहयात्रा टिभी
काठमाडौं । पुस २४, लुटपाटमा संलग्न तीन महिलासहित चार जनालाई प्रहरीले पक्राउ गरेको छ ।
ललितपुरको च्यासलबाट उदयपुर घर भई ललितपुर च्यासल बस्ने २६ वर्षीय भरत मगर, ताप्लेजुङ डुम्रेसी घर भई लगनखेल बस्ने २८ वर्षीया निर्मला राई, ललितपुर भारदेउकी ३० वर्षीया सुस्मिता डिम्डो र ललितपुर नल्लु घर भई चापागाउँ बस्ने २९ वर्षीया नबिन लामा बल तामाङ्गलाई पक्राउ गरेको महाशाखाका प्रमुख एसएसपी दीपक थापाले जानकारी दिए ।
उनीहरुले गत पुस १३ गते दिउँसो साढे २ बजे नुवाकोट घर भई च्यासल बस्ने ५७ वर्षीया धनकुमारी ठकुरीलाई लुटेको प्रहरीले जनाएको छ।
ठकुरीले उक्त समूहले आफूसँग २ थान सि माला, १ थान पहेंलो पत्थर, १ थान टल्कने धातु र पुराना सिक्का १४ थान लुटेको प्रहरीमा निवेदन दिएकी थिइन्। त्यसपछि उनीहरुलाई उक्त सामग्रीसहित ललितपुर च्यासलबाट पुस २३ गते साँझ साढे ५ बजे पक्राउ गरिएको थापाले जानकारी दिए ।