चाँडै नै विवाह गर्ने योजनामा मौनी राय
सहयात्रा टिभी
एजेन्सी । माघ ०५, २०२१ को सुरुवात बलिउडको लागि राम्रो भएको छ । कोही कलाकारको घरमा नयाँ सदस्य थपिएका छन् भने कोहीले विवाहको तयारी गरिरहेका छन् । अभिनेता वरुण धवन र नताशा दलालले विवाह गर्ने खबर बाहिर आएको छ ।
त्यस्तै अभिनेत्री मौनी रायपनि विवाह गर्ने तयारीमा रहेकी छिन् । मौनीले दुबईका बैंकर सुरज नाम्बिआरसँग विवाह गर्ने भएकी छिन् । उनीहरु हाल प्रेम सम्बन्धमा छन् । एक रिपोर्ट अनुसार उनीहरुले चाँडै नै विवाह गर्ने योजना बनाएका छन् ।
मौनीले सुरजसँगको प्रेम सम्बन्धको बारेमा इन्स्टाग्रामबाट अफिशियल गरिदिएकी हुन् । उनले सुरज र उनका परिवारको साथमा सामाजिक सञ्जालमा फोटो पनि शेयर गरेकी थिइन् ।
मौनी सुरजसँग भन्दा पहिला गौरव चोपडा र मोहित रैनासँग प्रेम सम्बन्धमा थिइन् । उनी चाडैनै फिल्म ब्रम्हास्त्रमा देखिनेछिन् । फिल्ममा रणबीर कपुर, आलिया भट्ट र अमिताभ बच्चन पनि देखिनेछन् ।