राजकुमार ह्यारी र मेगन मार्कल दोस्रो सन्तानको पर्खाइमा
सहयात्रा टिभी
काठमाडौं । फाल्गुन ०४, बेलायती राजकुमार ह्यारी र उनकी श्रीमती मेगन मार्कल दोस्रो बच्चाको पर्खाइमा रहेका छन्। द न्यूयोर्क टाइम्सका अनुसार आइतबार राजकुमार ह्यारी र मेगन मार्कलका एक प्रवक्ताले दम्पती नयाँ सदस्यको पर्खाइमा रहेको जानकारीलाई सार्वजनिक गरेका हुन्।
यो खबर सार्वजनिक भएको केही समयपछि उनीहरुको नजिकका फोटोग्राफर साथी मिसान ह्यारीमनले आफ्नो इन्स्टाग्राममा ह्यारी र मेगनको फोटो पोस्ट गरेका थिए। जसमा मेगन गर्भवती भएकी देखिन्छिन्। दोस्रो सन्तान कहिले जन्मने भन्नेबारे भने कुनै खुलासा नभएको द न्यूयोर्क टाइम्सले जनाएको छ।