अटो ट्याम्पोलाई क्युआर कोड वितरण
सहयात्रा टिभी
काठमाडौं । चैत्र ०१, डिजिटल नेपाल अभियानअन्तर्गत विराटनगरका अटो ट्याम्पोहरूलाई क्युआर कोर्ड वितरण गरिएको छ । विराटनगरस्थित नोवेल अस्पताल चोकमा एनसीसी बैंकले आयोजना गरेको कार्यक्रममा नेपाल राष्ट्र बैंकका गभर्नर महाप्रसाद अधिकारीले अटोहरूलाई क्युआर कोर्ड वितरण गरेका हुन् ।
कार्यक्रममा गभर्नर अधिकारीले नगद अधिकांश विकृतिको जड भएको र भ्रष्टाचारको कारक पनि भएकाले नगदरहित समाज बनाउने सरकारको तयारी रहेको बताए ।
उनले नगद कारोबार गर्दा विभिन्न खालका समस्याहरू आउने भएकाले झन्झटरहित डिजिटल माध्ययमबाट कारोबार गर्न उनले आग्रह गरे । कार्यक्रममा एनसीसी बैंकका प्रमुख कार्यकारी अधिकृत रमेशराज अर्याल, बैंकका प्रदेश कार्यालयका प्रमुख दुर्गाप्रसाद घिमिरेलगायतले क्युआर कोर्ड वितरण अभियानलाई निरन्तर सञ्चालन गर्दै डिजिटल नेपाल बनाउने सरकारको अभियानलाई सघाउने बताए ।