म्यानचेष्टर सिटीको जित
सहयात्रा टिभी
काठमाडौं । बैशाख ०९, प्रिमियर लिगको शीर्ष स्थानको रहेको म्यानचेस्टर सिटीले एस्टनभिल्ला विरुद्ध पुनरागमन जित हासिल गरेको छ ।
बुधबार राति भएको खेलमा सिटीले एक गोलले पछि परेको स्थिती उल्टाउँदै एस्टनभिल्लालाई २-१ ले पराजित गरेको हो ।
त्यस्तैरी, खेलको पहिलो मिनेटमै जोन म्याकगिनले गोल गर्दै घरेलु मैदानमा एस्टनभिल्लालाई पहिले अग्रता दिलाएका थिए ।
२२ औं मिनेटमा फिल फोडेनले सिटीका लागि बराबरी गोल फर्काए । ४० औं मिनेटमा रोड्रीले गोल गर्दै सिटीलाई पहिलो हाफमै २-१ को अग्रता दिलाए । दोस्रो हाफमा थप गोल भएन ।
दुवै टोली १० खेलाडीमा समेटिएको थियो । ४४ औं मिनेटमा जोन स्टोन्सले रातो कार्ड पाएपछि सिटी पहिलो हाफमै १० खेलाडीमा समेटिएको थियो ।
जितपछि ३३ खेलबाट ७७ अंक जोडेको सिटीले दोस्रो स्थानको म्यानचेष्टर युनाइटेडमाथि ११ अंकको अग्रता बनाएको छ । सिटीलाई अब उपाधि जित्न बाँकी ५ मध्ये ३ खेल जिते पुग्नेछ ।