माघे संक्रान्तिमा तरुलको बजार
सहयात्रा टिभी
काठमाडौं । पुस ३०, माघे संक्रान्ति नजिकिए सँगै उपत्यकामा ठूलो परिमाणमा तरुल भित्रिन थालेको छ ।
कालिमाटीस्थित फलफूल तथा तरकारी बजारमा गत वर्षको तुलनामा तरुलको व्यापार बढेको छ । कालिमाटी बजारमा प्रतिकेजी ४० रुपैयाँदेखि २ सय रुपैयाँ मूल्यको तरुल पाइन्छ ।
समितिका अनुसार कालिमाटी बजारमा सगरखण्ड प्रतिकेजी ५० रुपैयाँ, सजिवन २ सय ८० र पिँडालु प्रतिकेजी ४० रुपैयाँ होलसेल मूल्य निर्धारण गरिएको छ । अन्य तरुलको मूल्य भने समितिले निर्धारण गरेको छैन ।
व्यवसायीका अनुसार घर तरुल प्रतिकेजी १ सय रुपैयाँ र वन तरुल प्रतिकेजी २ सय रुपैयाँ मूल्य निर्धारण गरिएको छ ।