गिरिजाप्रसाद कोइरालाको सम्झनामा दीप प्रज्वलन
सहयात्रा टिभी
काठमाडौं । चैत ८, नेपाल विद्यार्थी संघले शान्तिबाटिकामा दीप प्रज्वलन गरी गिरिजाप्रसाद कोइरालाको सम्झना गरेको छ ।
१२औं स्मृति दिवसको अवसरमा सोमबार साँझ सवतन्त्र विद्यार्थी युनियन, जनप्रशासन क्याम्पसको आयोजनामा दीप प्रज्वलन गरिएको नेविसंघका निवर्तमान महामन्त्री दीपक भट्टराईले बताए ।
कार्यक्रममा नेपाली कांग्रेसका पूर्वमहामन्त्री शशांक कोइरालाले गिरिजाको स्मरण गर्दै उनले जीवनभर संघर्ष गरेको बताए ।
सशस्त्र युद्धमा रहेको माओवादीलाई शान्ति प्रक्रियामा ल्याउने र राजतन्त्र हटाएर गणतन्त्र ल्याउने महत्वपूर्ण काम गिरिजाले गरेको उनको भनाइ छ ।