औरही गाउँपालिकाकी उपाध्यक्ष सीता यादव काँग्रेसमा प्रवेश
सहयात्रा टिभी
काठमाडौं। चैत २७, जनता समाजवादी पार्टीबाट सिरहाको औरही गाउँपालिकाकी उपाध्यक्ष निर्वाचित भएकी सीता यादव पार्टी परित्याग गरी नेपाली काँग्रेसमा प्रवेश गरेकी छन् ।
काँग्रेस जिल्ला सभापति रामचन्द्र यादवले गाउँपालिका उपाध्यक्ष यादवलाई फूलमाला र अविर लगाएर पार्टीमा स्वागत गरेका हुन् ।
जनता समाजवादी पार्टी जसपा बाट निर्वाचित उनले केहिदिन अगाडि पार्टी परित्याग गरेको घोषणा गरेकी थिइन् ।
उनीसहित जसपा र अन्य पार्टीका दर्जनौं नेता कार्यकर्ता काँग्रेसमा प्रवेश गरेका छन् ।
नेपाली काँग्रेसले उपाध्यक्षकै उम्मेदवार बनाउने पक्का भएपछि उनी पार्टी प्रवेश गरेको बुझिएको छ । जसपाले टिकट नदिने भएपछि उनले पार्टी छाडेकी स्रोतले जनायो ।