चहरी खोलामा बस दुर्घटनाका कारण १३ जना घाइते
सहयात्रा टिभी
काठमाडौ । असोज २३, रामेछापको खाँडादेवी गाउँपालिका–३ सित्खा बजार नजिकैको चहरी खोलामा आज आइतवार बस दुर्घटना भएको र दुर्घटनामा १३ यात्रु घाइते भएको जानकारी प्राप्त भएको छ ।
यात्रु दशैँको टीका लगाएर फर्कँदै थिए । बस रिजर्भ गरेर ल्याइएको र सडकमा अनियन्त्रित भइ दुर्घटना भएको प्रहरी नायब उपरीक्षक (डीएसपी) राजकुमार थिङले जानकारी दिनुभयो ।
बसमा झन्डै ३० यात्रु थिए । घाइते सबैलाई प्रहरी र स्थानीयवासीले उद्धार गरी उपचारका लागि काभ्रेपलाञ्चोकको धुलिखेल अस्पताल लगिएको प्रहरीले जनाएको छ ।