एसीसी प्रिमियर कपको तालिका सार्वजनिक
सहयात्रा टिभी
काठमाडौँ । चैत ९, एसीसी प्रिमियर कपको प्रिमियर खेलको तालिका सार्वजनिक भएको छ ।
एसियन क्रिकेट काउन्सिल ९एसीसी० ले आज बिहीवार सार्वजनिक गरेको तालिकाअनुसार नेपाल र ओमान ए समूहमा परेका छन् । नेपालको समूहमा ओमान, कतार, मलेसिया र साउदी अरब छन् ।
समूह बी मा यूएई, हङकङ, कुवेत, सिङ्गापुर र बहराइन छन् । प्रतियोगिता आउँदो वैशाख ५ देखि १८ गतेसम्म हुँदैछ । नेपालले पहिलो खेल वैशाख ५ गते मलेसियासँग त्रिवि क्रिकेट मैदानमा खेल्नेछ । वैशाख ८ गते ओमानसँग हुने खेललाई आईसीसीले एकदिवसीय मान्यता दिने भएको छ ।
दुवै समूहका शीर्ष दुई टोली सेमिफाइनलमा पुग्नेछन् । विजेता टोलीले आउँदो सेप्टेम्बरमा पाकिस्तानमा हुने एसिया कप खेल्न पाउनेछ ।