एपीएफले ललितपुर मेयर कपको उपाधि हात पारो
सहयात्रा टिभी
काठमाडौँ । चैत १६, एपीएफले ललितपुर मेयर कप महिला टी-२० क्रिकेट प्रतियोगिताको उपाधि हात पारेको छ ।
विभागीय टिम एपीएफले ललितपुर मेयर कप महिला टी-२० क्रिकेट प्रतियोगिताको उपाधिमा ह्याट्रिक गरी जित हासील गरेको जनाएको छ ।
तेस्रो संस्करणको फाइनल खेलमा विभागीय टोली एपीएफले कोशी प्रदेशलाई ५४ रनले हरायो । यो प्रतियोगिताको इतिहासमा अहिलेसम्मकै धेरै १५५ रनको लक्ष्य पछ्याएको कोशी प्रदेशले निर्धारित ओभरमा ६ विकेट गुमाएर १०० रनमात्र बनाउन सक्यो ।
यसअघि त्रिवि क्रिकेट मैदानमा टस हारेर ब्याटिङ गरेको एपीएफले कप्तान सीता रानामगर र इन्दू बर्माको शतकीय साझेदारीमा मेयर कपकै सर्बाधिक १५४ रनको योगफल खडा गरेको थियो ।
समूह चरणको खेलमा पनि एपीएफले कोशीमाथि ७ विकेटको जित रचेको थियो । ५ टिम सम्मिलित प्रतियोगितामा शीर्ष २ टिमले फाइनल खेलेका हुन् । एपीएफ अपराजित रहँदै उपाधि उठाउन सफल रह्रयो ।