बार्सिलोनाको फराकिलो जित
सहयात्रा टिभी
एजेन्सी । चैत १९, शीर्षस्थानमा रहेको बार्सिलोनाले स्पेनिस ला लिगा फुटबलमा फराकिलो जित निकालेको छ ।
शनिबार राति भएको खेलमा बार्सिलोनाले रेलिगेसन जोनको पुछारमा रहेको इल्चेमाथि ४–० को फराकिलो जित निकालेको हो । बार्सिलोनाको जितमा रोबर्ट लेवान्डोस्कीले दुई गोल गरे । अन्सु फाती र फेरान टोरेसको नाममा एक एक गोल रह्यो ।
खेलको २० औं मिनेटमा रोबर्ट लेवान्डोस्कीले गोल गर्दै बार्सिलोनालाई सुरुआती अग्रता दिलाए । ५६ औं मिनेटमा अन्सु फातीले गोल गर्दै बार्सिलोनालाई दोब्बरअग्रता दिलाए । ६६ औं मिनेटमा लेवान्डोस्कीले व्यक्तिगत दोस्रो गोल गर्दै बार्सिलोनालाई ३–० को अग्रता दिलाए ।
त्यसपछि ७० औं मिनेटमा फेरान टोरेसले गोल गर्दै बार्सिलोनालाई ४–० को फराकिलो जित दिलाए । जितसँगै बार्सिलोनाको २७ खेलबाट ७१ अंक पुगेको छ । पराजित इल्चे १३ अंक जोडेर पुछारमा छ ।