गोरखामा ना५ ख ७२११ नम्बरको बस दुर्घटना हुँदा १२ जना घाइते
सहयात्रा टिभी
काठमाडौं । जेठ ३१, गोरखा नगरपालिका-८ ढुङ्गागाढेमा बस दुर्घटना हुँदा १२ जना घाइते भएका छन् ।
चितवनको नारायणगढबाट गोरखाको आरुघाटका लागि छुटेको ना ५ ख ७२११ नम्बरको बस आज बिहान ११ बजेतिर ढुङ्गागाढेमा दुर्घटना भएको हो । दुर्घटनामा घाइते भएकामध्ये दुईजनाको अवस्था गम्भीर रहेको छ।
गम्भीर घाइते भएका गोरखा नगरपालिका-१४ का २७ वर्षका कमल पन्त र आरुघाट गाउँपालिकाका ५५ वर्षका खड्गबहादुर घलेलाई चितवनको भरतपुर मेडिकल कजेलमा रेफर गरिएको गोरखा अस्पतालले जनाएको छ ।
अन्य घाइतेको भने गोरखा अस्पतालमै उपचार भइरहेको छ ।