काठमाडौंको माइतीघरमा नागरिकता माग्दै आज प्रदर्शन
सहयात्रा टिभी
काठमाडौँ । जेठ २५, नागरिकताको माग गर्नेहरुले काठमाडौंको माइतीघरमा आज प्रदर्शन गरेका छन् ।
सरकारले जन्मसिद्ध नागरिकता भएकाका सन्तानलाई पनि नागरिकताबाट बन्चित गरेको भन्दै माइतीघरमा प्रदर्शन भएको हो ।
विदेशी नागरिकहरुले सजिलै नागरिकता पाइरहेको तर आफ्नो र आफ्नी श्रीमतीको जन्मसिद्धको नागरिकता भए पनि छोरीलाई नागरिकता नदिइएको प्रर्दशनकारीको गुनासो छ ।
प्रचण्ड नेतृत्वको अहिलेको सरकारको सिफारिसमा नागरिकता विधेयक राष्ट्रपतिबाट प्रमाणीकरण भइसके पनि सर्वोच्च अदालतको अन्तरिम आदेशका कारण कार्यान्वयनमा आउन बाँकी छ । प्रर्दशनकारीले न्यायालय र कानुन व्यवसायीहरुप्रति पनि आक्रोश व्यक्त गरेको जनाएका छन् ।