एएफसी अन्डर २० महिला एसियन कपमा नेपाल दोस्रो चरणमा पनि पराजित
सहयात्रा टिभी
काठमाडौँ । जेठ २५, एएफसी अन्डर २० महिला एसियन कप छनोटको दोस्रो चरणको दोस्रो खेलमा पनि नेपाल पराजित भएको छ ।
म्यानमारमा भइरहेको प्रतियोगितामा आज बिहीवार नेपाली टोली चीनसँग ५–० गोलले पराजित भयो । यसअघि मङ्गलवार भएको पहिलो खेलमा पनि नेपाल घरेलु टोली म्यानमारसँग ५–० गोलले नै पराजित भएको थियो । नेपालले शनिवारको अन्तिम खेलमा चाइनिज ताइपेइसँग खेल्नेछ ।
नेपालले प्यालेस्टाइनमा भएको पहिलो चरणमा घरेलु टोली प्यालेस्टाइन र उत्तरी मरियाना आइल्यान्डलाई समान ६–० गोलले हराउँदै दोस्रो चरणमा प्रवेश गरेको थियो ।
दोस्रो चरणको छनोट खेलमा उत्कृष्ट चार टोलीले उज्वेकिस्तानमा हुने २० वर्षमुनिको महिला एसियन कप खेल्नेछ ।