नाइजेरियामा सशस्त्र गिरोहसँगको भिडन्तमा ३६ सैनिकको मृत्यु

सहयात्रा टिभी

अबुजा । भदाै १, नाइजेरियाको उत्तरी क्षेत्रमा सशस्त्र विद्रोहीहरू विरुद्धको अभियानका क्रममा एम्बुस र हेलिकप्टर दुर्घटना हुँदा ३६ नाइजेरियाली सैनिकको मृत्यु भएको छ। नाइजेरियाली सेनाका अनुसार उत्तरी क्षेत्रमा सशस्त्र गिरोहहरूसँगको झडपको क्रममा आतङ्ककारीहरूले आक्रमण गरेको थियो।

स्थानीयहरुले हेलिकप्टरलाई छिमेकी नाइजरको वुशीशीमा सशस्त्र गिरोहहरूले गोली हानेको बताए । यसले नाइजेरियाको उत्तरी क्षेत्रमा बन्दुकधारीहरूको बढ्दो शक्तिलाई लिएर चिन्ता बढाएको छ।

रक्षा प्रवक्ता मेजर जनरल एडवर्ड बुबाले सञ्चारमाध्यमलाई भने, ‘सेनाले सोमबारदेखि नाइजरमा अपरेशन गरिरहेको थियो, जब सशस्त्र गिरोहहरूले उनीहरूलाई आक्रमण गरे।आक्रमण र गोली हानाहानमा तीन सैनिक अधिकृत र २२ सैनिकको मृत्यु भएको उनले बताए । सात सैनिक घाइते भएका छन् ।

यस आक्रमणले नाइजेरियाका राष्ट्रपति बोला अहमद अडेकुन्ले टिनुबुका लागि नयाँ चुनौतीहरू खडा भएको छ । हालैको सैन्य कू पछि छिमेकी नाइजरमा प्रजातन्त्र पुनर्स्थापना गर्न इकोवासको पश्चिम अफ्रिका क्षेत्रीय ब्लकद्वारा प्रयासहरूको नेतृत्व गरिरहेका छन्।