अब चीन जाने पर्यटकहरुलाई कोरोना परीक्षण अनिवार्य नपर्ने
सहयात्रा टिभी
काठमाडौँ । भदौ १२, अबदेखि चीन भ्रमणमा जाने पर्यटकहरुलाई कोरोना परीक्षण अनिवार्य गर्नु नपर्ने भएको छ ।
चिनियाँ विदेश मन्त्रालयका प्रवक्ता वाङ यीले अगस्ट ३०देखि चीन भ्रमण गर्ने कोही पनि व्यक्तिले एन्टिजेन परीक्षण गर्नैपर्ने बाध्यता हटाएको जानकारी दिए ।
सन् २०१९ को डिसेम्बरमा चीनमा पहिलो पटक कोरोना भाइरस ९कोभिड १९० संक्रमण देखा परेको थियो । चीनपछि बिस्तारै विश्वभर नै कोरोना भाइरसको संक्रमण फैलिँदा लाखौँ मानिसहरुको निधन भएको थियो भने अर्बौं मानिसहरु संक्रमित भएका थिए ।
२०१९ देखि हालसम्म पनि कोरोना भाइरस अधिकांश मुलुकहरुमा देखा पर्दै आइरहेको छ ।
पत्रकार सम्मेलनमा वाङ यीले अगस्ट ३०, २०२३ बाट भने चीन भित्रिने पर्यटकका लागि कोभिड १९ को परीक्षण अनिवार्य नरहेको बताए ।