टाइम्स म्यागजिनको ‘एथ्लेट अफ दि इअर’अवार्ड मेसीले जिते
सहयात्रा टिभी
काठमाडौँ । मंसिर २०, अर्जेन्टिना तथा इन्टर मायमीका फरवार्ड लिओनल मेसीले टाइम्स म्यागजिनको ‘एथ्लेट अफ दि इअर’ अवार्ड जितेका छन् ।
गत जुलाईमा मेजर सकर लिग टोली इन्टर मायमीमा अनुबन्ध भएका मेसीले सबैखाले प्रतियोगितामा गरी १४ खेलमा ११ गोल गरेका थिए । उनकै उत्कृष्ट प्रदर्शनमा इन्टर मायमीले क्लब इतिहासमै पहिलो उपाधिको रुपमा लिग्स कपको उपाधि जितेको थियो । ३६ वर्षीय मेसीले अक्टोबरमा कीर्तिमानी आठौं पटक बालोन डे’ओर अवार्ड समेत जितेका थिए ।
‘लिओनल मेसीले यो वर्ष असम्भव देखिने उपलब्धिहरु हासिल गरेका छन् । जब उनले इन्टर मायमीसँग सम्झौता गरे अनि अमेरिकालाई एउटा फुटबल देशको रुपमा चिनाएका,’ टाइम्सले लेखेको छ ।
यस्तै टाइमसले मेसीको आगमनले रंगशालामा दर्शकको उपस्थिति, टिकटको मूल्य र मर्चेन्डाइज बिक्रीमा उल्लेख्य वृद्धि तथा एमएलएस खेलको दर्शक बढाउन महत्वपूर्ण योगदान गरेको जनाएको छ ।