शेयर बजारमा उच्च अङ्कको गिरावट

सहयात्रा टिभी

काठमाडौं । वैशाख ३, नयाँ वर्षको दोस्रो कारोबार दिन पनि शेयर बजारमा उच्च अङ्कको गिरावट आएको छ ।

शेयर बजार परिसूचक नेप्से आज १६ दशमलव ८२ अङ्कले घटेर दुई हजार छ दशमलव ५२ विन्दुमा झरेको छ ।

हिजो नयाँ वर्षको पहिलो कारोबार दिन शेयर बजार दुई अङ्कभन्दा धेरैले घटेको थियो ।

आज सबै समूहको शेयर घटेकोमा उत्पादन, होटल, बीमा समूहको शेयर उच्च अङ्कले ओरालो लागेको छ ।

आज तीन सय १४ वटा कम्पनीको ७२ लाख २३ हजार कित्ता शेयर दुई अर्ब ७९ करोड रुपैयाँमा कारोबार भएको छ ।