बैंकको भन्दा ठूलो कारोबार गर्ने प्रतिस्पर्धा गर्दा सहकारीहरु संकटमा परे : मन्त्री बलराम अधिकारी
सहयात्रा टिभी
काठमाडौँ । वैशाख २५, भूमि व्यवस्था, सहकारी तथा गरिबी निवारणमन्त्री बलराम अधिकारीले सहकारी संस्थाहरुले बैंकको भन्दा ठूलो कारोबार गर्ने प्रतिस्पर्धा गर्दा समस्या सिर्जना भएको बताएका छन् ।
एक कार्यक्रमलाई सम्बोधन गर्दै मन्त्री अधिकारीले सहकारीहरु आफ्नो मूल्य मान्यता र सिद्धान्तविपरीत अस्वस्थ प्रतिस्पर्धामा लाग्दा समस्या सिर्जना भएको बताएका हुन् ।
जुन उद्देश्यका साथ सहकारी स्थापना भएको थियो त्यसको खिलापमा काम भइरहेको उनको भनाइ छ ।
सदस्यले पनि सबै कुराको जिम्मा सञ्चालकलाई दिन नहुने उनको धारणा छ । उनले भने, ‘शिक्षक, डाक्टर तथा वकिल सबै यो क्षेत्रमा छन्, सर्वप्रथम मेरो कर्तव्य के हो बुझ्नुपर्छ, त्यो बुझ्न सकियो भने यो समस्या आउँदैन ।’
नेपाल बचत तथा ऋण केन्द्रीय सहकारी संघ (नेफ्स्कून)को लेखा सुपरीवेक्षण समितिमा पनि खोट रहेको उनको भनाइ छ ।