आजदेखि इंग्ल्याण्ड र श्रीलङकाबीचको दोस्रो टेष्ट क्रिकेट शुरू
सहयात्रा टिभी
काठमाडौं । भदौ १३, इंग्ल्याण्ड र श्रीलङकाबीचको दोस्रो टेष्ट क्रिकेट आजदेखि शुरू हुँदैछ ।
यो खेल दिउँसो पौने ४ बजे इंग्ल्याण्डको घरेलु मैदान म्यानचेस्टरमा शुरू हुनेछ । यसअघि भएको पहिलो टेष्ट इंग्ल्याण्डले पाँच विकेटले जितेको थियो ।
आज शुरू हुने दोस्रो टेष्ट जितेमा इंग्ल्याण्डले श्रृङ्खला नै जित्नेछ । श्रृङ्खला बचाइराख्न श्रीलङ्कालाई यो खेल जित्नेपर्नेछ । यी दुई देशबीचको तेस्रो टेष्ट आउँदो सेप्टेम्बर ६ तारिखदेखि शुरू हुनेछ ।