राज्यका सबै अंगका प्रमुखलाई राप्रपाको चियापानमा आमन्त्रणा
सहयात्रा टिभी
काठमाडौं । पुस २६, राष्ट्रिय प्रजातन्त्र पार्टीले भोलि (२७ पुस)मा गर्ने चियापानका लागि राज्यका सबै अंगका प्रमुखहरूलाई आमन्त्रणा गरेको छ ।
राप्रपाले पृथ्वीनारायण शाहको ३०३ औं जन्मजयन्ती तथा राष्ट्रिय एकता दिवसको अवसर पारेर शनिबार चियापान गर्न लागेको हो ।
चियापान अघि शनिबार विहान १० बजे दरबारमार्गको महेन्द्रशालिकमा भेला भई सिंहदरबारको पश्चिम गेट नजिक रहेको पृथ्वी शाालिकसम्म राप्रपाले र्याली निकाल्ने भएको छ ।
चियापानका लागि प्रधानमन्त्री केपी शर्मा ओली, नेपाली कांग्रेसका सभापति शेरबहादुर देउवालाई राप्रपा अध्यक्ष राजेन्द्र लिङ्देनले भेटेर निम्ता गरेका छन् ।