रुपन्देही–२ मा रास्वपाका दुई जनालाई टिकट
सहयात्रा टिभी
काठमाडौं । माघ ६, राष्ट्रिय स्वतन्त्र पार्टी (रास्वपा)ले रूपन्देही क्षेत्र नम्बर २ मा दुई जनालाई टिकट दिएको छ । रास्वपाले सुलभ खरेल र आशिष सुवेदीलाई उम्मेदवारको टिकट दिएको हो ।
बालेन शाह पक्षका आशिष सुवेदीलाई पहिले नै टिकट दिइएको थियो । तर अबेर राति फेरि सुलभ खरेललाई पनि टिकट प्रदान गरिएको स्रोतले बतायो । एउटा निर्वाचन क्षेत्रमा दुई जनालाई टिकट दिइएपछि रास्वपामा विवाद भएको छ ।
रुपन्देहीको क्षेत्र नम्बर १ र २ मा बालेन पक्षका उम्मेदवार बनेसँगै कार्यकर्ता असन्तुष्ट बनेपछि खरेललाई अबेर राति टिकट प्रदान गरिएको थियो । रुपन्देही क्षेत्र नम्बर २ मा नेकपा एमालेका विष्णु पौडेल उम्मेदवार छन् । नेपाली कम्युनिष्ट पार्टीले सुवास पाण्डे (विश्वदीप)लाई उम्मेदवार बनाएको छ ।