देउवाको स्वागतमा देखिए दीपक मनाङ्गे
सहयात्रा टिभी
काठमाडौँ । साउन २८, गण्डकी प्रदेशका पूर्वमन्त्री राजिव गरूङ (दीपक मनाङ्गे) नेपाली कांग्रेसका पूर्वसभापति शेरबहादुर देउवाको स्वागतमा देखिएका छन् ।
हङकङबाट स्वदेश फर्किने क्रममा कांग्रेसको संस्थापन इतर समूहले आयोजना गरेको स्वागत कार्यक्रममा पूर्वप्रदेशमन्त्री गुरूङ पनि देखिएका हुन् ।
पूर्वप्रधानमन्त्रीसमेत रहेका देउवा बिहीबार थाई एयरको विमानमार्फत स्वदेश फर्किएका छन् । जेनजी आन्दोलनका क्रममा भएको आक्रमणमा परी घाइते भएका पूर्वसभापति देउवा १३ फागुनको राति सिंगापुर एयरलाइन्सको उडानबाट सिंगापुर गएका थिए ।
उनी ७ चैत २०८२ मा सिंगापुरबाट थप उपचारका लागि भन्दै हङकङ पुगेका थिए । देउवा भोलि (शुक्रबार) सुकेधारास्थित मिराकल पार्टी प्यालेसमा आयोजना हुने इतर समूहको राष्ट्रिय भेलामा सहभागी हुने छन् ।
इतर समूहको प्रचार–प्रसार समिति संयोजक मीन विश्वकर्माले भेलाको उद्घाटन समारोह शुक्रबार दिउँसो १ बजे सुरु हुने पनि बताएका छन् ।
तीन दिनसम्मे चल्ने भनिएको राष्ट्रिय भेलामा पाँच हजार नेता–कार्यकर्ताहरूको उपस्थिति हुने दाबी इतर समूहको छ ।