चोलेन्द्रलाई भेट्न प्रहरीले नदिइएपछि फर्कियो मानवअधिकार आयोग
सहयात्रा टिभी
काठमाडौँ । असोज ११, पूर्वप्रधानन्यायाधीश चोलेन्द्र शमशेर जबरालाई भेट्न प्रहरीले नदिएपछि मानव अधिकार आयोगको टोली फर्किएको छ ।
कार्यालयको गेटमा करिब ४५ मिनेट कुर्दा पनि प्रहरीले भेट्न नदिएपछि आयोगको टोली फर्किएको हो ।
गएराति अपराध अनुसन्धान कार्यालयको टोलीले महाराजगञ्जस्थित निवासबाट उनलाई पक्राउ गरेको थियो । जबरालाई एसएसपी सन्तोष खड्काको कार्यकक्षमा राखिएको छ ।
प्रहरीले ‘सुरक्षा थ्रेट’ भएकाले जबरालाई रातारात कार्यालयमा ल्याएर राख्नुपरेको जिकिर गरेको छ । तर कानुनका जानकारहरुले प्रहरीको शैलीमाथि प्रश्न उठाएका छन् ।