एपीएफ क्लबको महिला टोली फाइनलमा प्रवेश
सहयात्रा टिभी
काठमाडौं । असार २९, सशस्त्र प्रहरीको एपीएफ क्लब एनभीए महिला तथा पुरुष राष्ट्रिय भलिबल क्लब लिगको महिलातर्फ फाइनलमा पुगेको छ ।
लिग चरणको अन्तिम खेलमा न्यू डायमन्ड क्लब नेपाल पुलिस क्लबसँग पराजित हुँदा अङ्क तालिकामा दोस्रो हुँदै एपीएफ क्लबको महिला टोली फाइनल प्रवेश गरेको हो । न्यू डायमन्ड पुलिससँग पराजित भएको हो ।
अब फाइनलमा दुई विभागीय टोली एपीएफ र नेपाल पुलिस खेल्नेछन् । यसअघि नै फाइनलमा पुगिसकेको पुलिस लिग चरणमा अविजित रह्यो । पुलिस ५ खेलमा १५ अङ्कसहित शीर्ष स्थानमा छ । एपीएफ समान ५ खेलमा ४ मा जित र एकमा हारसहित ११ अङ्कको साथमा फाइनल पुगेको हो ।
न्यू डायमन्डले ५ खेलमा ३ जित र २ हारसहित ८ अङ्क बनाएको छ ।