साउनमा चोभार सुख्खा बन्दरगाहबाट हुने व्यापारमा वृद्धि
सहयात्रा टिभी
काठमाडौँ । भदौ ११, काठमाडौंको चोभार सुख्खा बन्दरगाहबाट हुने व्यापारमा वृद्धि भएको जानकारी प्राप्त भएको छ ।
चालु आर्थिक वर्ष २०८०/८१ मा यो भन्सार विन्दुबाट ८ करोड ५१ हजार रुपैयाँ बराबरको सामान आयात भएको हो ।
गत वर्ष साउनमा मात्र २ करोड ६३ लाख ९३ हजार रुपैयाँको वस्तु आयात यस भन्सार विन्दुबाट भएको थियो ।
यस वर्ष साउनमा भने यो भन्सार विन्दुबाट निर्यात हुन सकेको छैन । गत वर्षको साउनमा भने निर्यात ३३ लाख ८ हजार रुपैयाँ बराबरको भएको थियो ।
भैरहवास्थित गौतमबुद्ध अन्तर्राष्ट्रिय विमानस्थलबाट हुने व्यापार भने घटेको छ । यो विमानस्थलबाट साउनमा ४ लाख ८४ हजार रुपैयाँको वस्तु आयात भएको छ ।
गत वर्ष साउनमा यो भन्सार विन्दुबाट ५ लाख ९२ हजार रुपैयाँको व्यापार भएको थियो । यी दुई भन्सार नयाँ विन्दु हुन् । नेपालमा त्रिभुवन विमानस्थलबाट मात्र आयातको ९.४९ र निर्यातको २४.५९ प्रतिशत व्यापार हुने गरेको छ ।