माइतीघर मण्डलमा ठूलो संख्यामा चिकित्सकहरुको प्रदर्शन
सहयात्रा टिभी
काठमाडौं । असोज ९, पोखराको मणिपाल शिक्षण अस्पतालका चिकित्सकमाथि कुटपिटको विरोधमा काठमाडौंको माइतीघर मण्डलमा ठूलो संख्यामा चिकित्सकहरुको प्रदर्शन सुरु भएको छ ।
माइतीघर मण्डलमा ठूलो संख्यामा भेला भएका चिकित्सकले आफूहरुको भौतिक सुरक्षाको माग गरेका छन् ।
सेतो कोट लगाएर प्रदर्शनमा उत्रिएका चिकित्सकहरुले आक्रमणकारीलाई कडा कारबाही गर्ने कानुन बनाउन पनि माग गरे ।
उनीहरुले अस्पताल नआऊ, डाक्टर बिरामी दुबैको ज्यान बचाऊ, स्वास्थ्यकर्मीमाथिको हिंसा बन्द गर, डाक्टर कुट्न पाइँदैन, कुटाइ खाने कहिलेसम्म ? लेखेको प्लेकार्ड बोकेका थिए ।
चिकित्सकको प्रदर्शनका क्रममा प्रहरीसँग धकेलाधकेल भएको थियो ।