देउराली बहुउदेशीयका अध्यक्ष रवीन्द्र चौलागाईं पक्राउ
सहयात्रा टिभी
काठमाडौँ । असोज १८, बचकर्ताको करिब २ करोड रकम अपचलन गरेको अरोप लागेका देउराली बहुउदेशीय सहकारी संस्थाका अध्यक्ष रवीन्द्र चौलागाईं पक्राउ परेको जानकारी प्राप्त भएको छ ।
प्रहरीको केन्द्रीय अनुसन्धान ब्यूरोले चौलागाईंलाई १६ असोजमा पक्राउ गरेको जनाएको हो ।
सहकारीका सञ्चालक समितिका सदस्यहरुले निक्षेपकर्ताहरुलाई आर्कषक ब्याजदर दिन्छु भनि प्रलोभन देखाई निक्षेप कर्ताको रकम सहकारी मुद्दती निक्षेप, आवधिक बचत, सेयर तथा विभिन्न बचत खातामा जम्मा गर्न लगाई ठगि गरेको बचकर्ताको उजुरीको आधारमा पक्राउ गरेको सीआईबीले जनाएको छ ।
मासिकरत्रैमासिकरवार्षिक रुपमा ब्याज पाउने र निर्धारित अवधि नाघेपछि निक्षेपको सम्पूर्ण सावाँ, ब्याज फिर्ता पाउने विश्वासका साथ उक्त संस्थामा बचतकर्ताहरुले जम्मा गरेको रकमको सावाँ, ब्याज फिर्ता नदिई पटक–पटक ताकेता गर्दा पनि फिर्ता नदिएको भन्दै ३३ जना बचतकर्ताले उनीविरूद्ध उजुरी दिएको केन्द्रीय अनुसन्धान ब्यूरोले जनाएको छ ।
उनीहरुले आफ्नो निक्षेप जोखिममा रहेको भन्दै संस्थाका कर्मचारी तथा पदाधिकारीहरुलाई लामो समयदेखि ध्यानाकर्षण गराउँदा समेत नियमानुसार पाउनु पर्ने निक्षेप तथा सोको ब्याज रकम उपलब्ध गराई दिने तर्फ आवश्यक पहल नगरेको बताएक छन् ।