चाँदीको मूल्य स्थिर सुनको मूल्य बढ्यो
सहयात्रा टिभी
काठमाडौँ । मंसिर ६, बुधबार सुनको मूल्य बढेको छ भने चाँदीको मूल्य स्थिर रहेको छ ।
नेपाल सुनचाँदी व्यवसायी महासंघकाअनुसार बुधबार छापावाल सुनको मूल्य तोलामा ३ सय रुपैयाँले बढेर एक लाख १६ हजार ५ सय र तेजावी सुनको मूल्य एक लाख १५ हजार ९५० रुपैयाँ कायम भएको छ ।
यसअघि मंगलबार सुनचाँदीको मूल्य बढेर कारोबार भएको थियो । मंगलबार एक लाख १६ हजार २ सय रुपैयाँमा छापावाल सुन र एक लाख १५ हजार ६५० रुपैयाँमा तेजावी सुनको खरिद बिक्री भएको थियो ।
चाँदीको प्रतितोला मूल्य भने १ हजार ४५५ रुपैयाँ तोकिएको छ ।