आज नेप्सेमा हरियाली छायो
सहयात्रा टिभी
काठमाडौँ । पुस २, शेयर बजार आज सोमवार पनि दोहोरो अङ्कले बढेर आज नेप्सेमा हरियाली छाएको छ । आज छ महिनायताकै उच्च कारोबार भएको छ ।
पछिल्ला केही दिनदेखि लगातार बढिरहेको शेयर बजार परिसूचक नेप्से आज ३८ दशमलव १४ अङ्कले बढेर दुई हजार ६० दशमलव ४९ विन्दुमा पुगेको छ ।
आज जलविद्युत् बाहेक सबै समूहको शेयर बढेको छ । माइक्रोफाइनान्स समूहको शेयरमा हरियाली छाएको छ ।
आज दुई करोड १४ लाख कित्ता शेयर छ अर्ब ८६ करोड ८१ लाख रुपैयाँमा कारोबार भएका छन् ।