चलचित्र ‘कृ’को पोष्टर सार्वजनिक
सहयात्रा टिभी
दर्शकको लामो प्रतिक्षा रहेको चलचित्र ‘कृ’ को पोष्टर सार्वजनिक भएको छ । ट्रेलर सार्वजनिक गर्नु अगाडि निर्माण पक्षले नायक अनमोल केसी र नायिका अदिती बुढाथोकीलाई समावेश गर्दै बुधबार पोष्टर सार्वजनिक गरेको हो ।
टौवा क्रियसनले तयार पारेको पोष्टरमा अनमोल र अदितीलाई रोमान्टिक अवस्थामा देख्न सकिन्छ । यसअघि अनमोल केसीको मात्र तस्बिर समावेश पोष्टर सार्वजनिक भएको थियो । शुक्रबार फिल्मको ट्रेलर सार्वजनिक गर्ने निर्माण पक्षले जनाएको छ ।
अनमोल केसीलाई दर्शकले यो फिल्ममा भिन्न गेटअपमा देख्न सक्ने छन् । अघिल्ला ४ वटा फिल्ममा रोमान्टिक नायकको रुपमा देखिएका अनमोल यो ‘कृ’ मा रोमान्टिकसँगै रिसाहा रुपमा देखिएका छन् । सुवास इन्टरटेन्मेन्ट प्रालिको ब्यानरमा निर्माण भएको कृलाई द सुपर काजोल फिल्म्सले प्रस्तुत गरेको हो ।
फिल्ममा अनमोल र अदितीसँगै सरोज खनाल, रुपा राना, अनुपविक्रम शाही, कामेश्वर चौरासियालगायतका कलाकारको मुख्य भूमिका छ । चलचित्र आउँदो माघ २६ गतेबाट देशभर रिलिज हुने निर्माता भुवन केसीले जानकारी दिएका छन् ।