एसियन कप फुटबलको फाइनलमा आज कतार र इरान भिढ्दै
सहयात्रा टिभी
काठमाडौं । माघ २४, एएफसी एसियन कप फुटबलको फाइनलमा पुग्न आज आयोजक तथा साविक विजेता टोली कतार र इरान भिढ्दैछन् ।
दोस्रो सेमिफाइनलको खेल अल थुमामा मैदानमा नेपाली समयअनुसार राति पौने ९ बजे शुरु हुनेछ । आजको विजेता टोलीले उपाधिका लागि जोर्डनसँग खेल्नेछ ।
क्वाटरफाइनलमा कतारले उज्वेकिस्तान र इरानले जापानलाई हराउँदै सेमिफाइनलमा पुगेका हुन् ।
हिजो भएको पहिलो सेमिफाइनल खेलमा दक्षिण कोरियालाई २ गोलले हराउँदै जोर्डन पहिलो पटक उपाधि नजिकै पुगेको छ । फाइनल खेल आउँदो शनिवार हुनेछ ।