क्यानडाविरुद्ध तेस्रो खेलमा हेमन्तको राष्ट्रिय क्रिकेट टिमबाट डेब्यू पक्का
सहयात्रा टिभी
काठमाडौँ । माघ २८, तीव्र गतिका बलर हेमन्त धामीले क्यानडाविरुद्ध तेस्रो ओडीआई खेलमा नेपालको राष्ट्रिय क्रिकेट टिमबाट डेब्यू गर्ने पक्कापक्की जस्तैछ ।
घरेलु टोली नेपालले सुरुवाती दुई खेल ७ रन र ४ विकेटले जित्दै सिरिज एक खेल अगावै जितेको छ ।
अन्तिम खेलमा अनुभवी तीव्र गतिका बलर सोमपाल कामीलाई विश्राम दिँदै नेपालले हेमन्तलाई डेब्यू दिने सम्भावना देखिन्छ ।
शनिबार दोस्रो ओडीआई खेलमा जितपछि नेपालका कप्तान रोहित पौडेलले हेमन्तलाई डेब्यू दिने संकेत दिई सकेका छन् ।
खेल लगत्तै हेमन्तले त्रिवि क्रिकेट मैदानमै बलिङ अभ्यास पनि गरेका थिए । सहायक प्रशिक्षक बसन्त शाहीले उनलाई मैदानमा अभ्यास गराएका थिए ।
हेमन्त पावर प्लेमा नयाँ बलका साथ इनस्विङग बलका लागि चिनिन्छन् ।