प्रतिनिधिसभाको बैठक आज बस्दै

सहयात्रा टिभी

काठमाडौँ । फागुन १०, संघीय संसद अन्तर्गत प्रतिनिधिसभाको बैठक आज बस्दैछ । संसद सचिवालयका अनुसार बैठक बिहान ११ बजे संसद भवन नयाँबानेश्वरमा सुरु हुनेछ ।

आजको बैठकमा सांसद प्रेम सुवालले ‘राजनीतिक दल सम्बन्धी (दोस्रो संशोधन), विधेयक २०८०’ प्रस्तुत गर्न अनुमति माग्ने प्रस्तावमाथि राखेको विरोधको सूचनालाई निर्णयार्थ प्रस्तुत गर्ने कार्यसूची रहेको छ । यस्तै, बैठकमा उपप्रधानमन्त्री एवं गृह मन्त्री नारायणकाजी श्रेष्ठले ‘राजनीतिक दल सम्बन्धी (दोस्रो संशोधन’, विधेयक २०८०’ प्रस्तुत गर्ने सम्भावित कार्यसूची रहेको छ ।