सिंहदरबारमा रास्वपाको सचिवालय बैठक बस्दै
सहयात्रा टिभी
काठमाडौं । भदौ २६, राषट्रिय स्वतन्त्र पार्टी (रास्वपा)को सचिवालय बैठक बस्दैछ । सिंहदरबारस्थित संसदीय दलको कार्यालयमा साढे १० बजेपछि बैठक बस्ने रास्वपाले जनाएको छ ।
उपसभामुख इन्दिरा रानामगरमाथि उठेको प्रश्नलगायतका विषयमा छलफल गर्न बैठक बस्न लागेको हो । यसका साथै बैठकमा असोज १ र २ गते हुने राष्ट्रिय भेला, सात प्रदेशमा सकिएको प्रदेश भेलाको समीक्षालगायतका विषयमा पनि छलफल हुने सहप्रवक्ता प्रतिभा रावलले जानकारी दिइन् ।
उपसभामुख रानाले आफ्नो लेटरहेड प्रयोग गरी असम्बन्धित मानिसलाई भिसाको लागि अन्तर्वार्ताको मिति मिलाइदिन अमेरिकी दूतावासलाई पत्र लेखेको विषयले विवाद सिर्जना भएको छ ।
प्रतिनिधि सभा बैठकमा यस विषयमा एमाले\कांग्रेसका सांसदहरूले पटक\पटक प्रश्न उठाउने गरेका छन् ।