पहिरोले अवरुद्ध अरनिको राजमार्ग एकतर्फी खुल्यो
सहयात्रा टिभी
काठमाडौं । असोज २७, काभ्रेको पाँचखालमा पहिरो खस्दा अवरुद्ध अरनिको राजमार्ग एकतर्फी खुलेको छ।
पाँचखाल नगरपालिका- ८ मा गएराति करिब १० बजे सुख्खा पहिरो खस्दा अरनिको राजमार्ग अवरुद्ध भएको थियो। उक्त पहिरो पन्छाएपछि आइतबार बिहान नौ बजेदेखि सडकमा एकतर्फीरुपमा गाडी चल्न थालेका हुन्।
अरनिको राजमार्ग अन्तर्गत काभ्रेको पाँचखाल नगरपालिका- ८ पचास किलो भन्ने ठाउँमा पहिरो खस्दा रातभरी सडक पूर्णरूपमा अवरुद्ध भएको थियो।
स्थानीय निकाय र सडक विभागसँग समन्वय गरेर पहिरो एकतर्फी रुपमा हटाइएको छ। बाँकी पहिरो पनि पन्छाउने काम भइरहेको जिल्ला प्रहरी कार्यालय काभ्रेले जानकारी दिएको छ।
चाडपर्वको बेला राजमार्ग अवरुद्ध हुँदा यात्रुले सास्ती पाएका छन्।