रोहन मुस्तफाले एनपीएलमा सुदूरपश्चिम रोयल्सबाट खेल्ने
सहयात्रा टिभी
काठमाडौं । कात्तिक २०, एशोसिएट क्रिकेटका परिचित खेलाडी रोहन मुस्तफाले नेपाल प्रिमियर लिग (एनपीएल) मा सुदूरपश्चिम रोयल्सबाट खेल्ने भएका छन् ।
यूएईबाट अन्तर्राष्ट्रिय क्रिकेट खेल्दै आएका रोहनले नेपालमा विभिन्न प्रतियोगिता खेलेका छन् ।
उनका लागि नेपाली भूमि नयाँ होइन । उनले नेपाली फ्यानसमेत कमाएका छन् ।
यूएईको कप्तानीसमेत गरिसकेका ३६ वर्षीय रोहनले ओडीआई र टी-२० आईमा उत्कृष्ट अलराउण्ड प्रदर्शन गरेका छन् ।
बायाँ हाते ब्याटर रोहनले ५८ टी-२०आई मा एक हजार बढी रन जोड्नुका साथै २१ को औसतमा ६१ विकेट पनि लिएका छन् ।
अफ स्पिनर उनको ७ रन प्रतिओभरभन्दा कमको इकोनोमी रहेको छ ।
एकै ओडीआईमा शतक प्रहार गर्नुका साथै ५ विकेट लिने दुर्लभ कीर्तिमान पनि उनको नाममा छ ।