काठमाडौँ निजगढ द्रुतमार्गको डीपीआर सेना आँफैले बनाउने

सहयात्रा टिभी

काठमाण्डौं, माघ २, भारतीय कम्पनी आईएल एण्ड एफएसले तयार पारेको निजगढ द्रुतमार्गको विस्तृत परियोजना प्रतिवेदन (डीपीआर) प्रयोग नहुने भएको छ ।

जङ्गी अड्डामा सोमबार आयोजित पत्रकार सम्मेलनमा सेनाले आयोजनाको डीपीआर आफैं बनाउने बताएको हो । लामो विवाद पछि प्रचण्ड सरकारले बैशाख २१ मा द्रुतमार्ग निर्माणको जिम्मा नेपाली सेनालाई दिएको थियो । त्यसपछि बनेको देउबा सरकारले भारतीय कम्पनी सँगको पूर्वशर्त बमोजिम भारतीय कम्पनीकै डिपिआर किन्ने निर्णय गरी सेनालाई अध्ययनका लागि भनेको थियो ।

अध्ययनका क्रममा डीपीआर अपूर्ण रहेको पाइएपछि साथै प्रस्तावित मूल्यमा भारतीय कम्पनी सहमत नभएपछि सेनाले डिपिआर आफैं बनाउने निर्णय लिएको हो । नेपाली सेनाले भारतीय कम्पनीले मागेको मूल्य भन्दा कम रकममा नै नयाँ डीपीआर तयार हुने सेनाले जनाएको छ । मूल्य मात्र नभई उक्त भारतीयकम्पनीले बनाएको डीपीआर हुबहू कार्यान्वयन गर्न नसकिने र पुर्ण व्यवाहारिक नरहेको पनि सेनाले बताएको छ ।

आयोजनाका उपनिर्देशक सूर्यप्रसाद खनालका अनुसार
‘डिटेल इन्जिनियरिङ गर्न आहृवान गरिएको कन्सलट्यान्टबाट आवश्यक थप अध्ययन गराई नेपाली सेनाबाटै आयोजनाको डीपीआर तयार गरिनेछ ।
विगतमा एसियाली विकास बैंक ले गरेको सम्भाव्यता अध्ययनका आधारमा छिट्टै डीपीआर बनाउनु पर्ने र टनेल बनाउँदा कान्तिलोकपथसँग नबाझिने गरी फेरबदल गर्नु पर्ने देखिएको सेनाले बताएको छ ।