एन्फा महिला लिगमा एपीएफ र बाग्मती युथ क्लब खेल्दै
सहयात्रा टिभी
काठमाडौं । माघ २,एन्फा महिला लिग फुटबलमा आज बाग्मती युथ क्लब र सशस्त्र प्रहरी बलको एपीएफ फुटबल क्लब खेल्दै छन् ।
खेल दिउँसो ३ बजे एन्फा कम्प्लेक्सको मैदान सातदोबाटोमा शुरू हुनेछ । तालिकामा १२ अङ्कसहित एपीएफ शीर्ष स्थानमा छ ।
त्रिभुवन आर्मी क्लब १० अङ्कसहित दोस्रो, समान १० अङ्क नै रहेको नेपाल पुलिस क्लब तेस्रो, ३ अङ्कसहित बाग्मती चौथो र अङ्क जोड्न नसकेको वालिङ नगरपालिका पुछारमा छ ।
लिगको पहिलो चरणपछि पाँच वटा टोली दोस्रो चरणको सुपर फाइभमा पुगेका हुन् । अखिल नेपाल फुटबल सङ्घ (एन्फा) को आयोजनामा भइरहेको एन्फा महिला लिग माघ १६ गतेसम्म चल्ने छ ।